المنتدى الرسمي للأشراف السليمانيين


إعلان هام من مشائخ وأعيان ونسابي وباحثي الأشراف السليمانيين


العودة   المنتدى الرسمي للأشراف السليمانيين > الأقسام الأدبية > منتدى القصص والروايات الأدبية


هبال بنات وشباب

منتدى القصص والروايات الأدبية

إضافة رد
 
LinkBack أدوات الموضوع انواع عرض الموضوع
قديم 07-16-2013, 07:07 PM   #1
كبار الأعضاء
 

افتراضي هبال بنات وشباب

بسم الله الرحمن الرحيم


هبال بنات وشباب <<<<منقووولةة




الســلآلآم عليكم

روايتي الاول: هبال بنات وشباب

اتمنى تعجبكم .. اقبل النقد وابغاكم تعطوني اياه باسلوب مو طريقه هجميه >> الله يا اللغه نقره لعرض الصورة في صفحة مستقلة

اتمنى اشووف ردود ترفع الراسنقره لعرض الصورة في صفحة مستقلة

وممكن البارتات تكون قصيره بس حطوا في بالكم ان كل يومين بارت

وفي اليومين هذي ابي ردود ^_^

,,,,,,,,,,,,,,,

بسم الله الرحمن الرحيم


اول روايه لي بأسم “هبال بنات وشباب ” طبعا الكتاب باين من عنوانه „ الرواية تتكلم عن هبال البنات والشباب „البنات هم عاشقات لانمي المحقق كونان مدمنات عليه وهم عازفات كل بنتين لهم موهبه وحده „اما الشباب الكوره هي اساسهم يعني اذا اجتمعوا يلعبون كوره سواءا بلاستيشن او حقيقه او يشوفون مباراة او يسولفون عن المباراة والكوره يعني ادمان عليه „ بعطيكم فكره عن حياتهم بعدين نبدأ تعريف عليهم


(في بيت الجده يوم الخميس الساعه 1 الظهر )


رغد / كم الساعه


جنان / وحده


شوق / ومتى الغداء


لين / ثنتين


دانه / وكم بقى


دانيه / ساعه


هشام / يقطع ابو الاسئله الخايسه


فيصل / مثلا يوم تسالين متى الغداء على اساس انك ما تعرفين


شوق / انطم انت


فهد / بكيفك هو


لين / ايه بكيفها


ناصر / انتي وش دخلك


دانه / انت الى وش دخلك


سعد / اقول انتي ابلعي كتابك


رغد / وانت ابلع لسانك


محمد “ابو ناصر” / خلاص انتي وياها ترا احنى قاعدين


عبودي / على اساس ان قعدتكم او قومتكم بتأثر كذا او كذا بيتهاوشون


ساره / بليز لا تخربون الدراما كملوا


هشام / وش كنا نقول


رغد / كنت اقول لسعد يبلع لسانه


فهد / ايه صح انتي هيه ليش تخلين اخوي يبلع لسانه


لين / على اساس انها هي مو اختكم وترا هي اكبر منه يعني بكيفها


ناصر / اكبر منه بـ10 دقايق بس


دانيه / لو بـ10 ثواني تصير اكبر منه


فيصل / نطقت الهاديه


دانيه / ونطق البارد اسكت بس


سعد / حتى الدلوعين لهم لسان ما بقيتوا شيء يا عـيال تركـي “الجد ”


عبد الله “ابو دانيه ” / سعد وجع احنى ما بقينا شيء ولا خواتك هم الى لفوا بعقل بنتي


دانه / عمي لو سمحت احنى ما لفينا براسها بس سوينا لها غسيل مخ


يوسف”ابو هشام / صح غسيل غير اللف بس اذا انتهيتوا من الغسيل وش تسوون


هشام / ننشرها بالشمس


رغد / يا قدمي اقول جانا عج اقول روقنا


فيصل / اجل وش تسوون


دانيه / طبعا نكويها


ناصر / وهي متله


دانه / لا وهي .. انت وياه لا يكون بتشتغلون في مغسله


سعد / وش دراك


لين / لا يا الدلخه هذولي بتصير زوجته قاعده حاطه رجل على رجل وهو يروح يغسل الملابس


هشام / هذي انتي


شوق / نعم اصلا لينو ما تشتغل وينا الشغل يا قدمي الحين الام نفسها ما صارت تشتغل


الجده / اسكتي انتي وياه


رغد / صح هشام انت واختك لينو اسكتوا


الجده / وانتي بعد


هشام / هههه احسن


الجده / ورا ما تسكتون بالعين لكم مسجل


دانيه / ماما ساره يا قدمي مسجل تذكرون ذاك ابو سماعات كبيره والى فوقه أزرار الى لما تضغطين عليها يعلق لا تطورنا احنى


الجده / اجل وش يسمعون الحين


دانه / يسمعون استنتاجات كونان سواءا ايباد او لاب او أي شيء ثاني صح بنات


البنات / ايييه


هشام / كفوكم كونان ابو نظارات كبر وجهه


رغد قامت / انت هيه سب نفسك سب اختك سب ذا البزر عبود سب امك سب ابوك سب الملك سب الوزير بس كونان خطوط حمراء


يوسف / على فكره ان ابوه يصير عمك يعني اخو ابوك


جنان قامت / الحين انت قد هالكلمه


هشام حط رجل على رجل/وقدود


البنات اجتمعوا لدقائق بعدين لفوا عليه قالت دانه / جهزت قبرك !!


هشام / آآممم مو فاضي


دانيه / كتبت وصيتك !!


هشام / آآ مو رايق


لين / ارسلت دعوه للي بيصلون عليك !!


هشام / ما لقيت وقت


شوق / عرفت من الى بيندفن جمبك !!


هشام / ما حصل لي الشرف


جنان / عرفت في أي مقبره بتكون !!


هشام / ما لقيت لي وقت


رغد كففت كموم عبايتها / بسم الله والله اكبر


هشام نزل رجوله / وش قصدك


رغد / بنات وين بنسلخه


لين / يمدحون السطح


رغد / لالا شموس


دانه / يا الكذابه ما فيه إلا شمس وحده وش شموس المهم الشارع


رغد / لالا حر


دانيه / اممم غرفته


رغد / لا حوسه


جنان/ المطبخ


رغد / وين بناكل بعدين


شوق / ما فيه إلا نذبحه في مكانه


رغد / اوكي وين السكين


هشام /هيه انتي وياها وش بتسوون


رغد / بنذبحك زيي الخروف يوم العيد وش رايك


هشام / نعم في المشمش انتي وياها


جنان طلعت من وراها السكين / نجرب بعدها نسويها على الخرفان الى وراك


محمد قام / جنان خير ان شاء الله


دانه / علشان يكون رجال عند كلمته اجل كونان ابو نظارات


هشام / لحظه انا ما قلت ابو نظارات قلت شيء ثاني


جنان وهي تقلب السكين / وش قلت


هشام / آآآآ ابو الذكاء


رغد سحبت السكينه / لما نكون عبود وسارونه ذيك الساعه العب علينا


هشام طمر من مكان / ترا من جد انا ما ادري وش ابي


رغد / ادري انك غبي


جنان / ومتخلف


دانه / ومو رجال


دانيه / وتافه


شوق / وخروف







لين / وعجوز


هشام / على عيني وراسي


رغد / مع ذالك بنذبحك


ناصر / أسمعوا وش رايكم تاخذون حصته من الاكل


البنات بدوا يفكرون / و 100 ريال


هشام / بس 100


البنات / لكل وحده 100


هشام شهق / 600 ريال يا الضالمات اذبحوني


محمد / اسمعوا الى بياخذ 100 مو متغدي معنا مدت 100 يوم وش رايكم


البنات / لا


هشام / والله انا اقول ان عمي والنعم فيه


محمد لف عليه / مو لله بس ما ابي ادفنك بالبر لانه بعيد


الشباب ضحكوا عليه قال هشام وهو معصب / يا أغبياء اصلا الدلوخ ذولا ما يقدرون


رغد / من الى ما يقدر


هشام / إذا كنت حرمه جربي


الجده دخلت / الغداء جاهز


البنات ركضوا على المطبخ وهشام قال / بنات اخر زمن


فيصل / خف علينا يا المتخلف


فهد / يا غبي


ناصر / والتافه


سعد / يا خروف


هشام / اسكت انت وياه ويلا بسرعه لا قسم ما اخليكم تشوفون المباراة اليوم


الشباب ركضوا على الطاوله قال يوسف / الحين كم الساعه


عبد الله / الساعه 2


يوسف / فهمت وانا اقول وراهم سبقوا ظلهم


محمد / وانت ما ودك تورينا غبارك


يوسف / يعني انا حاسبني من هالبزران


عبد الله / انا بروح اكل وانتوا تهاوشوا محد فاككم إلا إذا قلنا انهدمت شركاتكم


محمد / فال الله ولا فالك يا رجال

,,,,,,,,,,,,,,,,,,,,,,,,,,,,,,,,,,,,,,,,,,,,

تعريف بالعايله ^_^


أول شيء الاخوا الكبير –محمد –


محمد “ابو ناصر”/احيانا يقعد مع الاهل لانه كثير السفر لشغل حبوب واحيانا يكون عصبي يحب شركاته اكثر شيء وعنده 6 عيال 3 بنات و3 شباب


الاول ناصر / متخرج ويشتغل في شركة ابوه علشان اذا سافر الابو هو ياخذ مكانه „ يعتبر عضو من اعضاء الكوره „مهبول لابعد الحدود الى يعتبره قريب منه مره هو هشام يعني اغلى واحد عنده


..


الثاني دانه / فتحيه ام كتاب الاسم المشهور لها او ينادونها دنو تحب الكتب يعني تقرا روايات كثير „ صديقتها وبنت عمها الى تحبها مررره هي دانيه „في ثالث جامعه „ اذا جت عزيمه او عرس او أي مناسبه يجون لها هي ودانيه لان هم المكياج والتسريحه يعني هم يحبون الموضه والماركات „ عاشقة من عشاق كونان „ صوتها حلو مره تغني دائما للبنات


..


الثالث فهد / سري للغايه يعني ما يعلم أي احد باسراره هو صاحب خطط الى يقول له اسراره شخص واحد الى هو فيصل „ في اولى جامعه


..


الرابعه شوق / ام الخطط الجهنميه ورئيسة المافيا (الى هم بنات عمها ) تحب الجيتار وتعزفه هي ولين „ لين وهي صديقات وبنات عم ويحبون بعض „ عاشقة من عشاق كونان „ ثاني ثانوي


..


الخامسه رغد / مرجوجه وتكره المكياج يعني اذا جت عزيمه يربطونها علشان يحطون لها مكياج „ توأم سعد وهي اكبر منه بـ10 دقايق „ وتحب جنان وتحب الاكل وكونان


..


السادس سعد / مهبول كثير يتهاوش هو ورغد „ يحب الكوره مررره بس فاشل بين عيال عمه „ في اولى ثانوي


..


سمر “زوجته ..ام ناصر “/ مهتمه بنفسها مرره „ تحب المكياج والماركات واللبس والكشخه „ مهبوله احيانا تكون زيي عيالها „ تحب انها تجتمع مع الحريم


الشريفة السليمانية غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:26 AM


Powered by vBulletin® Copyright ©2000 - 2019
Jelsoft Enterprises Ltd. TranZ By Almuhajir


Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34