المنتدى الرسمي للأشراف السليمانيين


إعلان هام من مشائخ وأعيان ونسابي وباحثي الأشراف السليمانيين


العودة   المنتدى الرسمي للأشراف السليمانيين > الأقسام الأدبية > منتدى القصص والروايات الأدبية


إضافة رد
 
LinkBack أدوات الموضوع انواع عرض الموضوع
قديم 01-17-2014, 03:36 AM   #1
كبار الأعضاء
 

افتراضي رواية اداعبك بحناني(رواية رومانسية واقعية جريئة) لا تفوتكم

بسم الله الرحمن الرحيم



رواية اداعبك بحناني(رواية رومانسية واقعية جريئة) لا تفوتكم


**اداعبك بحناني**
روايتي نسيج بين الخيال والواقع

اتمنى ان تنال اعجابكم
احبه حب نساني راحه البال
وحبه عامل بقلبي عمايل موطبيعيه
ماهي عاديه حشى ماهي عاديه
كلها طيبه ورقه وحنيه


******************************************(((ال� �زء الاول))

عائله ابو عبدالعزيز

ابو عبدالعزيز متزوج وتوفت زوجته بسرطان بالدم وله عيال

عبدالعزيز:عمره27سنه مدير شركات ابوه ملامحه عاديه بس احلى مافيه طوله وجسمه الرياضي

طيب مره وحنون وعنده صديق عمره محمد

نوره: عمرها 25سنه حبوبه متزوجه ولد عمها ابراهيم وعندها توام ولدين (عبودي ونصوري(

غاده:عمرها 21سنه مملوحه وبيضاء وطيبه داخله قسم ادب انجليزي مخطوبه لولد عمها نواف(قصه واقعيه)

ملاك:عمرها 19 تشبه اختها بس فيها غمازات محليتها مره
داخله قسم رياض الاطفال ورمنسيه مرررررررره(قصه واقعيه)

عائله ابو ابراهيم
اخو ابو عبدالعزيز
ام ابراهيم اخت ام عبدالعزيز
انسانه طيبه (حالتهم الماديه عاديه"وعياله يشتغلون عند عمهم ابو عبدالعزيز لانه غني مره
ابراهيم :عمره36سنه متزوج نوره ويحبها
فهد: عمره 30سنه متزوج سهى عمرها 20سنه دايم هواش وطقاق الاهل زوجهم مصلحه
نايف :عمره 26سنه جميل مره توه جاي من كندا قسم حاسب ويشتغل عند عمه ابوعبدالعزيز
ومايعترف بالحب ابدا

الجوهره:متوسطه الجمال احلى مافيها بشرتها البرونزيه :وجسمها وماتعرف الزعل ابدا تدرس مع ملاك بنفس القسم تموت على بنات عمها

عائله ابونواف
هو اخوهم الثالث
ام نواف:انسانه مغروره وتحب الفشخره والقيل والقال وفرحت على خطبه ولدها عشان حلوه وستواها عالي








نواف :عمره25سنه هادي مره يمووووووت في بنت عمه غاده واذا جاء من لندن بيتزوجها
سمر :عكس امها بكل شي متزوجه ولها بنوته وصديقه نوره


--------------------------------------------------------------------------------


في بيت ابوعبدالعزيز

جالسين يسولفون بصاله
قال الابو :موب ناوي ياوليدي تعرس وانابوك واشوف عيالك
عبدالعزيز:الموضوع هذا مابي احد يفتحه بعدين مالقيت البنت اللي تناسبني

غاده وملاك:جووووووووووووجو بنت عمو
قال:نونونونونونونونونونو
قالوا :لي� � ش
قال :الجوهره ماتنعاب بس زواج الاقارب رافضه
الابو:شف الحمدالله نوره مرتاحه وغاده انشاءالله قريب
قال:يبه اسمحلي انا ابغى من بعيد؛وحب راس ابوه
وقال /انا طالع مع حميدان وبتاخر
قالت ملاك:بابي حبيبي لاتزعل عزوز مع صغير
الابو:ابي اشوف عياله قبل مااموت

(غاده وملاك نطوا بحظنه )
قالوا: بابا لاتقول هالكلام ولانزعل عيك
ونطوا معهم عيال نوره
غاده وملاك :انقلعوا روحوا عند ابوكم هذا ابونا
قالوا :لا لالالالالالالا(يبكون(احنا نحب ددي(جدي(
الابو يضحك:تعالوا ياعيال الغاليه وباس كل واحد
غاده وملاك:واحنا
(وباس كل وحده فيهم وقال:يالله يتصبحون على خير كلكم نوموا بكره دراسه
كلهم: وانت من اهل الخير

++++++++++++++++++++++++++++++++++
ملاك راحت تنوم عيال نوره بالغرفه لان نوره طالعه مع ابراهيم وببتاخر*-*

جلست غاده تفكر:يعني خلاص بتزوج نواف مو معقوله مااحسه بصي زوجي
بس هو مافيه شئ ينعاب بس ماقدر مو متقبلته
ياسبحان الله اول فرحانه الحين صارت السالفه قريبه بديت اخاف
وذا رفضت ابوي بمرض وعمي بيزعل
راحت على السرير تبكي بقوه وتشاهق
ياليتك يايمه فيه وخففتي عني وانوم بحضنك ليش احنا ماعندنا ام
جلست تبكي لما نامت---------------------------------------------------------------------
__________________________________

____________________

في الكوفي شوب
جلس عبدالعزيز يخفف عن محمد صديقه
محمد:وش اسوي اختي تعبانه وانا جالس اتفرج
عبدالعزيز:مشكلتها سهله ياخوي طلعها سفرها احمد ربك وانا اخوك انه مب تعب جسدي
محمد:من قال اني مااطلعها ووديها حتى اني تزوجت بنت عمي عشانها وانت عارف اني رافض الفكره
عبدالعزيز:لما الحين ماتبيها
محمد:لاوالله ياعزيز تصدق اول ماخذيتها ماكنت متقبلها بس والله ماشفت منها الى كل خير قايمه فيني وبالبيت ونوف اختي والله انها اكبرت بعيني ويغمز^_*
ويكفي انها ام سلومي
عبدالعزيز: يالخاين تزوجت وجبت ولد وخنت اتفاقنا اننا نتزوج مع بعض
ضحك محمد ولو انه عييييونه باين الحزن بعيونه
وراحت السهره بذكرياتهم الماضيه


((((محمد قصته بختصار اهله كانوا اهله مسافرين لابها وتعرفون طريقها خطر مره وصار
لهم حادث مات كل من فيه الانوف اصابتها كسور والحمدالله شفت منها)
والحادث صار له سنه ونص تقريبا بس نوف لما الحين مانسته وعايشه بذكرى اهلها
نوف /بنت جميله مره بيضاء عيونها لونها غريب وشعرها البني لما نص ظهرها كانوا خطابها كثير بس ابوها يرفض بحجه انها صغيره عمرها 19سنه تدرس تربيه خاصه؛طباخه ماهره امهم مانعه الخدامه في البيت
للمعلوميه:امهم سوريه الجنسبه
مجمد كان رافض الزواج بس تزوج بنت عمه عشانها صديقتها الروح بالروح وقال يمكن تروح احزانها
سعاد /زوجته متوسطه الجمال وصبوره مره كان محمد مايعطيها وجه بس يوم شاف اخلاقها والاهم يوم حملت وجاب ولد عشقها 0
دخل عبدالعزيز غرفته وهو يفكر ليش مااخطبها اخت صديقي وخواتي يعرفونها ويمدحونها بالاخلاق والجمال









+++++++++++++++++++++++++++++++++++++++++++++++
بعيد عن الرياض نروح لمنطقه في اخر نجد
بتسم اهها بالبداوه وعروفين(((مزايين الابل((
ابو سعد
رجال كبير ومعروف انه شيخ القبيله ؛غني مره؛وله من الابل الكثير

سعد:يدرس في جده عكس شخصيه ابوه مايعرف شئ من الابل وخرابيطه مايهتم بالامور

ملامحه حاده وخاطب بنت عمه منيره مسمينه له وهو صغير عشان كذا متعلق فيها

سعده:مخلصه ثانوي وتزوجت ولد عمها عبيد ومبسوطه
منيره:اهلها ماتوا وهي صغيره وسكنت مع عمها (كانت ملامحها بدويه مره عيونها وساع

وكبار شعرها الاسود الفاحم طويل ومليانه شوي

ام سعد:شخصياتها قويه مره لها هيبه ومحترمه ماتنام الاوماخذه حقها

+++++++++++++++++++++++++

في جده
ابو حمد:اليوم جاني جراح مها
ام حمد ساكته
حمد:جراح شخص ماينرفض وبعدين احسن عشان بنات المرحومه
ام حمد:بس مها توها صغيره وجراح كبير وجلست تبكي تذكرت بنتها العنود الي ماتت

مقتوله
ابو حمد:لاتخافين اذا راح حسابه بالدنيا مانه رايه في الاخره
حمد طلع من البيت وعيونه مليانه دموع تذكر اخته اللي ماتت بعز شبابها ولامقتوله
معقوله مالقوا القاتل00
ابو حمد راح لقى بنته بصاله تلعب بلاي ستيشن مع نور وساره
وقال:يبه انا جاي اكلمك في موضوع
قالت سم يبه
قال :اليوم في واحد جاء وخطبني (راحت في احلامها انه فيصل ولد خالتها خطبها
وتلبس الفستان الابيض )مارجعت للواقع الا يوم قال ابوها جرررراح

انصدمت وكمل :عشاني وعشان هاليتامى وافقي يبنيتي
قالت وهي تبكي:هو كبير
قال :لا موب كبير عمره 33وانت 20سنه
قالت بفكر
قال:وش تفكرين انا طالبك يايبه
بكت(حرام يظلموني والله حرام)
وطلع وركضوا البنات عندها وقالوا :خالو ميمو ليس تبتين
قالت :لابس تعبانه
ساره:ماما دايم تبكي
نور وساره:نبي ماما لاحت العزيمه وتاحلت(تاخرت
مها :ماما نايمه وتاشر اصبعها ع فوق وضمتهم وهم يبكون
++++++++++++++++++++++++++++++++++
++++++++++++++++++++=
شركه جراح
كان يكلم
هلاحمد هاه بشر
حمد:ابوي راح يكلمها ولاتخاف ماراح ترفضك
جراح:وشفيك تعبان
حمد:لابس تذكرت المرحومه وقال مع السلامه
جراح كشر ورمى الجوال وهو معصب
تذكر لما كان يبي يخطب مها بس ابوه رفض وقال العنود اكبر وافق وسمع راي ابوه
وعاشوا حياه حلوه وجابوا توم بنتين ساره ونور
وتذكر كيف الايام الاشهر الاخيره كيف تغيرت صارت ماتحترمني وطلعاتها ومكالماتها
كثرت وزياده ع كذا الكذب صار صديقها وتذكر يوم صارخت ع امه وتهاوشها
قرب من عندها وعطاها كف طاحت منه وصار يتجسس عليها واكتشف شئ
عمره ماراح ينساه خينتها مع فيصل الكلب وتحسبه غشيم كان صابر عشان بناته
حتى يوم ماتت مقتوله وصله الخبر وهو مسافر مازعل الا ع بناته واهلها
وهو عارف فيصل ليش سوى عشان ابوه مات بجلطه بسبة البورصه وربح جراح

كان فيصل يهدده بس ماتوقع انه يطعنه بالظهر بس وين بتروح مني



++++++++++++++++++++++++++++++++++++++++++
في بيت ابو نواف
كانو ا مسوين عزيمه مناسبه رجوع نواف من لندن وكانت ام نواف تروح عند كل حرمه وتقولها
ان غاده خطيبه نواف__فرحانه
غاده :كانت لابسه فستان بني ماسك ع الجسم وقصير ومسيحه شعرها ولابسه
عقد الماس طويل لونه ذهبي ومحطيه قلوس بيج وكحل كامل العين لونه اسود
ملاك:لابسه بنطلون ماسك ع الجسم لونه اسود وبلوزه حمراء لنص الفخذ سلسال
من الاحجار الكريمه لونه اسود ومسويه شعرها ويفي ونوره ماكانت تقل عنهم
كانوا يتفحصون فيهم الي تذكر ربها والي بس حسد
وكانت ام ابراهيم جالسه تسمع الحريم يتكلمون عن ملاك وفكرت ليش ماخطب نايف
لملاك ولد عمها وخالتها احق من الغريب؛ماقطع افكارها الا ملاك :يمه بسم الله عليك
اناديك من اليوم وماتردين تبين اعطيك ابره السكر ولا جوجو
قالت :لا عطينيها ومسكت يدها وقالت اقري المعوذات يبنيتي لايطيرونك الناس بعيونهم

جلست تسرح(وشلون اختها الجوهره ماتت بسرطان بالدم ؛اللي مالقت خير من عيون
الناس ودوها الشيخ وقال هذي عين قويه وكان لما ي قرى عليها ترتجف بقوة
وماتنسى يوم توفت من التعب الي يجيها
كانت جميله وتلبس احسن ماعندها وماتغبرى وطيبه وكريمه بس حسبي الله عيون
الناس الي ماترحم)
ومسحت من طرف عينها دمعه بسرعه عشان محد يشوفها


انتهي الجزء الأول وإنشاء الله أشوف ردودكم عشان أكمل


ادمـنتهـا فــ رحـلـــت غير متواجد حالياً   رد مع اقتباس
قديم 03-24-2015, 10:16 PM   #2
عضو جديد
 

افتراضي رد: رواية اداعبك بحناني(رواية رومانسية واقعية جريئة) لا تفوتكم



ليش مو كاملله نقره لعرض الصورة في صفحة مستقلة


نورا غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:44 PM


Powered by vBulletin® Copyright ©2000 - 2019
Jelsoft Enterprises Ltd. TranZ By Almuhajir


Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34