المنتدى الرسمي للأشراف السليمانيين


إعلان هام من مشائخ وأعيان ونسابي وباحثي الأشراف السليمانيين


العودة   المنتدى الرسمي للأشراف السليمانيين > الأقسام الأدبية > منتدى القصص والروايات الأدبية


إضافة رد
 
LinkBack أدوات الموضوع انواع عرض الموضوع
قديم 01-04-2014, 03:30 AM   #1
كبار الأعضاء
 

افتراضي من النصف ليسر الى النصف ليمن تربع هواک ومالکٍ قلبي ♡

بسم الله الرحمن الرحيم




البارت الاول
ميثا : مابا اددرس من اليوم , خلوني ارتاح عنبوه توه الاحد لاحقه عندي اسبوع بدرس فيه
علي : والله انتي لو يعطونج شههر قبل الامتحانات ما هييتج تضووين الفايده
ميثا بثقه : خيبتتك شو قالولك علي
علي : حبيبتي انا تخرجت علمي تعرفين كم نسبتيه
ميثا بأستهزاء : فرحان ب 91 بيب اعلى عنها ان شاء الله
علي : تخسين و تعقبين و تهبين بعد
ميثا : ليش وايد طايحه من عيينك تراني شاطره
علي : يلله روينا و روحي درسي
ميثا و هيه ترقا الدري : بدرس انزين بدرس والله الي اييني الحجره بعمره مافيه على حشرتكم الا اذا بتيبون اككل
علي يلف على بو حامد " بو ميثا " : بنتك همها بطنها
بو حامد : هههه هيه
علي : الله يوفقها و تيب النسبه الي تبيض الويهه
بو حامد : الله يسمع منك خويه
.
.
.
.
.
ميثا فحجرتها
ميثا : خلاص امون بدددرس لا اتمين حشره
امون : الله يسامحج هب انتي تبين تطلعين من العشر الاوائل
ميثا : هيه
امون : انزين روحي درسي
ميثا : بدرس بس كنت بكلممج
امون : ههه فديتج يلله برايج
ميثا : اوك مع السلامه تيك كير
امون : يو تو وداعة الله

ميثا تمت تدرس بتخلص مادتين اليوم عسب تخللص فاسبوع
.
.
.
حامد : انته تعال والله مافيه امسك خط
ذياب : عيل انا الي فييه
حامد : انزين تعال الجيمي مول و بنيلس هناك
ذياب : اوك
حامد : عيل مع السلامه نتلاقى بعدين
ذياب : باي باي
.
.
.
.
نوره فالصاله : شمووووووووه يالحماره
شموه فحجرتها : خييييييييير
نوره : تعالي بسرعه
شموه طلعت من الحجره تتمشى لين ماوصلت عند نوره
شموه : نعم اختي شو تبين
نوره : درستي شي
شموه : لااا
نوره : شو تترين
شموه : ماشي
نوره : طيري طيري يلله درسي
شموه و هيه رايحه الحجره : افففف منعافج زولي بيت ريلج فكينا مالقيتي تين الا الحين قبل الامتحانات
.
.
.
.
.
الساعه 6 المغرب
ميثا يالسه فالحوش ويا امها و عمتها و شموه و نوره
نوره : ههههههه اقول ميثوه لو شفتي شموه كيف عصبت يوم قلتيلي اتخبرها اذا درست
شموه تلف على نوره : يالجذابه
ميثا : هههههههههههههه
شموه تلف على امها : اميييه شوفي بنتج و بنت اخوج
ام سالم : زين يسون فيج شعنه ماتدرسين
شموه بوزت : عنبوه تبوني 24 ساعه ادرس خلاص بدرس الي اروم عليه و الي ما اروم عليه والله ولا ايي صوبه
ام سالم : اسمييج الا بتحنثين بتدرسين الي ترومين عليه و الي ماترومين عليه
نوره تطالع شموه بنظرت مغايض : هيه اميه انا بيلس عندكم لين ملجة عليوه ماعليج منها بتدرس غصبن عنها
شموه : انتي وين ريلج وينه الا متفيزره عندنا اف
ميثوه : خيبه شموه هب زين ترادين ختج جيه
ام سالم : طالعي ما شاء الله تعلمي تعلمي
شموه : لا تغرج تراها و الخيبتين
ام ميثا : هههه
.
.
.
.
عليا : ايه لا تذكريني
ساره : هههه لا جد انتي ماشي باقي عقب اسبوعين ملجتج متى بتاخذين
عليا : هلاسبوع بروح ويا شموه و نوير و ميثوه
ساره : من بيشلكن
عليا : ههه الدريول لا تخافين هب حبيب القلب
ساره : ايييه عن المصاخه شو حبيب القلب بعد
عليا تطالع من الدريشه : اقول سوير بنزل تحت عندهم فالحوش اشوفهن كلهن يلوس
ساره : حد ييلس فالحوش فهالحر
عليا : شفتي عاد هاي اكيد عموه قالتلهن مهب بارده خلنا نيلس هههههههه
ساره : ههههه انا مانزلت اليوم
عليا : اكيييد مجابله التي في و الفون
ساره :ههه عليج نور
عليا : اقول جلبي ويهج اذا تميت ارمسج مابنزل ,,, و بندت فويهها
ساره : سود ويهج يالحماره ماعليه نتلاقى
.
.
.
مر الوقت بسرعه و على الساعه 12

حامد يدش البيت
شما خت ميثا و هيه نازله من الدري : اوه حامد راد البيت من وقت
حامد : بروح بروح هب يالس لج
شما : وين بتروح
حامد : بدت اسئلتها
شما : ياخي شسوي لازم اعرف وين تسيرون تدري يعني سي ان ان لازم كل العلوم عندي
حامد : بروح مبزره
شما : اها اوك و انت راد خطف هاتلي كوافي و جبسات و درازن بيبسي
حامد : بتبطين اسميج
شما : اصلن انته قد سويت شي يفيد بخبر علي ايبلي احسن عنك
علي يدش البيت : اصغر عيالج علي انتي و هالويه
شما : حيههم عممي
حامد : هههه دهان سير
شما بصوت واطي : جب انته
علي : نعم شما شي فخاطرج
شما : سلامت قلبك بس ابا كوافي و جبسات و اورنمين سي درزن و بيبسي درزن و ... ماكملت لانه علي قاطعها
علي : ههه لا تتعبين عمرج و تعددين هههه هب ياي ايبلج شي .. و انسدح و تم يبدل بالريموت
شما : اففف منكم اصلن عادي بدق للدكان و بيبلي
حامد : عيل ليش ذاله عمرج من البدايه
راح حامد غرفة الضيوف
حامد : سيتييييييي
سيتي : نعم
حامد : سوي كواي سفره احمر
سيتي : اوكي
حامد تم يتعطر و تدخن و يابتله سيتي السفره لبسها و روح
.
.
.
.
.
ميثا : اقول شميس برايج برمس امون و برمس شموه بنت عموه و برقد عسب انش الصبح بتيني ابلة
شموس : اوك حبيبتي برايج
ميثا : مع السلامه
شموس : وداعة الله
.
اول مابندت ميثوه عن شموس دشت عليها شما ختها
ميثا : و العثره شعندج مداهمه عنبوه
شما : كيفي كيفي
ميثا : فكيني و طلعي برا
شما : اول قولي من كنتي ترمسين
ميثا : ارمس حبيبي
شما : والله انج عايزه
ميثا : يوم تدرين اني عايزه ليش تتخبرين , مقفاج الشيخه
شما طلعت من الحجره و سكرت الباب بقو
ميثا : فقدتج مسودة الويهه
.
فون ميثوه يررن
ميثا : الو
امون : اهلن
ميثا :حيهم
امون : هاه درستي
ميثا : درست الصبح و الظهر و العصر حشا عيزت
امون : هيه و المغرب ك العاده قلتي بريح شوي و خرج ولم يعد
ميثا : ترا باجر بتيني الابله
امون : شو خلصتي
ميثا : امم الدين و شويه ممن العربي
امون : يحييج يوم خلصتيه الدين
ميثا : هيه والله
امون : انزين شسمه متى بتروحين تاخذين حق ملجة عليا
ميثا : بعد هاي ملجتها معاوره عنبوه اخر يوم امتحانات
امون : انزين انتي ليش محتشره اخر يوم ولا باقي الايام بتردين من الامتحان بتنخمدين و العصر بتتعدلين و خلاص
ميثا : انزين متى بتحنى
امون : عادي يوم امتحان الانقلش تحني تراه قبل الملجه بيومين و الانقلش مايندرس
ميثا : صدقج والله
امون : ههه انزين برايج برقد عيوني امره يغمضضن
ميثا : تصبحين على خير امينه
امون : وانتي من اهله
ميثا : باي باي تيك كير
امون : يو تو مع السلامه
.
.
.
حامد فالسياره : عنبوه شعنك مستعيل
ذياب : برد سويحان هيه انته مابتمسسك خط
حامد : اصلن من قال بتسير نص الليل
ذياب : عيل وين بتبيتني فالفندق عسى
حامد : ههههه لا فبيتنا
ذياب : بتبطي والله
حامد : انزين فالملحق
ذياب : لا لا لا لا لا هب بايت غير ف سويحان
حامد : يالله يوم واحد هوه بنبات رباعه
ذياب : انته يلله بسرعه تعال اترياك
حامد : يلله هاه جريب جريب جلب ويهك انته
.
.
.
.
.
شموه : نوير سكتي بنتج ابا ارمس ميثوه
نوره : طلعي برا رمسيها خليني ارقد يزوي
شموه و هيه تطلع برا : انزين شسمه ترا انا مابنش طرشيلي حد ولا حرقي الفون
ميثا : ماعندي شغله الا انتي
شموه : اييه عاد ميثاني عن المذله
ميثا : اوك اوك بوعيج
شموه : يالله متى بيخطفن هلاسبوعين
ميثا : ههههه هيه انتي تبينهن يخطفن من عد هلاسبوعين ماهيتج تفتحين كتاب
شموه : عيل شو تبيني ادرس والله مادرست اخر شي الا بتفيزر فالبيت
ميثا : بس غير يوم تكونين مخلصه جامعه
شموه : الا بتتبروز مابتشتغلين
ميثا : والله عاد ماتدرين يمكن يخلوني اشتغل
شموه : المهم
عبدالله يدش البيت
شموه : وصل عبود
ميثا : اقول برايج بروح المطبخ يوعانه باكل و برقد
شموه : اوك مع السلامه
ميثا : مع السلامه
.
.
.
سالم : لا انتي تمزحين
حصه و هيه تصيح : والله بيغصبوني سالم
سالم : انزين بيي اخططبج
حصه : مابيطيعون بيشكون فيه
سالم : بقولهم انج ربيعة ختيه و عيبتيها
حصه : سالم لا تخليني
سالم : حبيبتي حصوص مابخليج
حصه : برايك سالم اسمع صوت ابويه
سالم : تيك كير غلايه
.
.
.
.
.
الصبح الساعه 9
ميثا : لا فديتج عموه والله ماترقيلها برايها بييها انا
ام سالم : هاي لو توعينها الا على الفاضي الصبح ماتزخ شي
ميثا : ههههههه انزين عموه عيل برايج
ام سالم : وداعة الله
.
.
ميثا : سيتي
سيتي : نعم
ميثا : تعالي ويايه يريد روح بيت عموه
سيتي : كل يوم كل يوم بيت اموه انتي ليش ما يدرس
ميثا : هاي الي بزنطها اليوم , سيتي انا بيروح خبر شموه ايجي بيت منيه لانه تيجر يجي منيه
سيتي : ايواه اوك يلله
.
.
.
ام سالم : نوره روحي شوفي ختج طرشتلها الخدامه ماطاعت تنش
نوره : برايها طبيها اول ماتنش بخليها تاكل الكتب
ام سالم : ميثا دقت تباها تروحلها بتيهن المعلمه
نوره : اها انزين انا بروحلها
(رقت نوره الدري عسب توعي شموه الي لو يستوي حرب عند اذنها مابتنش )
دشت نوره الحجره
نوره : شمووووووووووووووووووه
شموه تحط المخده فوق راسها و تسد على ذنيها
نوره تمط المخده : قومي الله يغربلج
شموه تطالع نوره
نوره : ان ماقمتي بزقرلج سالم الحين بقوله ماطاعت تدرس
شموه : هيه سالم شعليه اونه عصبي و 24 ساعه يهازب ولا جدام حبيبة القلب خرططي
نوره : عن المصاخه هاذا اخوج انزين و بعدين حليله ميين له حبيبة سالم مايخصه فهالخرابيط
شموه : ههه خلج على عماج ,,( و ترد تتلحف )
نوره : نششششششي المعلمه وصلت و انتي منخمده
شموه : و شو اباها المعلمه تتحسبوني ياهل اعرف ادرس بروحي
نوره : قومي قومي فكينا
شموه تنش : اف اف اف شوه البيت الأرف
نوره : والله اذا رديتي ترقدين يويلج
شموه : زولي انتي بروح اتسبح و بنزل تحت
نوره : روحي بيت خالي
شموه : انزين انزين
طلعت نوره من حجرة شموه و شافت ميثا فويهها
ميثا : صباح الخير
نوره : صباح النور
و يسلمن على بعض
ميثا : لا تقوليلي شموه راقده
نوره : لا توني وعيتها غصصب نشششت
ميثا : بدش اشوفها
نوره : اوك
دشت ميثا على شموه
ميثا : يالحماره رديتي ترقدين
شموه : لا حووول شو هالصباح انتي شيايبنج
ميثا : اصلن انتي حمدي ربج صبحتي على ويههي انا متأكده انه يومج بيكون واااايد حلو
شموه : ما هييته والله
ميثا : فززي يلله الابله بتي
شموه : انزين انا شو يخصني
ميثا : شو مابتدرسين
شموه : بدرس بس الصبح لا اسسفه هب دارسه شي
ميثا : طيري والله انا الي برسب ولا انتي
شموه : يوم تطلعين سكري الباب
ميثا : بتبطين
طلعت ميثا من عن شموه و ردت بيتهم
.
.
.
.
شموس : والله حتى انا بروح بدرس ويا ميثوه
ساره : شو تدرسين ويا ميثوه امتحانات يا بابا طيري طيري روحي درسي
شموس : هاذا قبل الامتحانات بأسبوع جيه محتشرين علينا لو يكون باجر الامتحان
ساره : هههههه مابيخلونكم تتنفسسون , ثنويه عامه تعرفين شو يعني
شموس : شو يعني
ساره و هيه تلبس اكسسواراتها : طلعي برا خليني اخلص
شموس تنسدح على شبرية ساره : تعرفين انا برقد شويه لين العصر خبريهم يوعوني
ساره : ايييه طلعي برا مافيه علييييج ماعندج حجره
شموس : الااااه شبريتتج مريحهه افكر ابادلج
ساره : والله ي شميس اذا ماطلعتي بتشوفين شي ماشفتيه
شموس تفر الحاف و تفرر المخاد لين عفسست الحجره : طالعه طالعه
ساره : عقققب شوووووووه يالحماره ماعليه اراويج
شموس توايج من الباب : صح بخصوصج رايحه الحين بعدها الساعه 10
ساره : بنطلع انا و عليوه
شموس : بيشلكن حبيب القلب ؟ ( و خطفت تربع )
ساره : يالنذذذذذذذذذذذذذذذله
.
.
.
.
سالم يالس فالصاله و يغني : بنتن تمر الضلوع و بيتها بيتها , ماغيرتها السنين ولا تغيرت انا , يوم اكشفت عن مفاتنها و ضميتها , قالتلي الحب وش هو قلت بيت الهنا
شموه و ميثا نازلات من الدري
شموه : غبباااااااااااااااااااااار
سالم عطاها نظره
شموه طاف و تكلم ميثا : روحنا ميثوه
ميثا : يلله
.
.
.
الساعه 11
ساره : شسمه لا اتميلي حشره ابا اخلص حايتيه
عليا : انتي مطلعتنا من الساعه عشر و الحين 11 و انتي الا تحوطين ماخذتي شي
ساره : انزين احترت
عليا : اففف انا الساعه 1 فالبيت
ساره : اصلن بنخلص يلله
عليا : اوك
.
.
المعلمه : يا بت يا شما انتي مش عايزه تفهمي اطلعي برا , عايزه تفهاامي انتبهي لا تظياعي على مييسا
شموه : ابله ترا انا مافهمت شي كله تعيدينه
ميثا يصوت واطي : شموه بس جب خلينا نخللص
شموه نفس الصوت : والله هاي بقره بروحها هب فاهمه عسسب تفهمنا
ميثا : احمم ابله كملي ماعليج من شموه ترا امبونها ماتفهم
شموه تطالع نوير و هيه فاجه عيونها : انا الي ما افهم ولا انتي الي من دخلنا الميلس مساعه هب رايمه تركزين
ميثا : جب يالحماره
المعلمه : ميسا يا حبيبتي انا راح ارجع اجيكو بعد المغرب لانه طالبه كنسلت درسها
ميثا : اوكيه ابله نترياج
طلعن وصلن الابله لين الباب كان قريب من الملحق
روحت الابله و لفت ميثا على شموه
شموه : والله ماقلت شي
ميثا : يالحيوانه
(الموقف الي صار يوم دشن الميلس )
.
.
.
.
ميثوه تبطل الباب و هيه تضحك : هههههه ولا احلى شي بت يا شما ( و هيه تقلد المعلمه )
شموه : هههههههههه , الااه جنه حد يدري انه بندرس هنيه مشغللنا المكيف
ميثوه شغلت اليتات : ايييه شموه حد راقد هنيه
شموه : اكيد حامد ولا سالم و لا علي ولا حد من الشباب بعد من
"" ذياب كان يسمعهن و متفشششششل و يدعي على حامد لانه اقنعه يبات عندهم ""
ميثا : يمكن
شموه تمت تدق على الباب عسب يينش
ميثا : ايه روحي وعييه و سحبي الحاف
شموه : لا لا انتي روحي طالعي عظمة حامد
ميثا : و اذا هب هوه
شموه : شوه تتحسبيني غبيه اقوولج حااامد من فالعايله عظمته شرات عظمة حامد
ميثا تتجدم و تتجدم و تتجدم و ذياب يعدل الفراش و رد شعره على ورا و هوه يدعي على حامد
سحبت الحاف و انصدمت يوم شافت انه ذياب ربيع حامد جان تصارخ
شموه لانها عند الباب ماتشوف ذياب لانه بعيد شوي يبين بس واحد راقد و لانه عظمة حامد تختلف عن كل شباب العايله قدرت تميز : شعدننج شو لابس قناع
ذياب : هههههههههههههه حلوه بس لا تعيدينها
ميثا خطفت تربع ويهها كل شوي لون
شموه : و العثره هاذا هب حامد
و يترابعن ثنتيناتهن
ذياب : هههههههههههههههه
.


ادمـنتهـا فــ رحـلـــت غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:49 PM


Powered by vBulletin® Copyright ©2000 - 2019
Jelsoft Enterprises Ltd. TranZ By Almuhajir


Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34