المنتدى الرسمي للأشراف السليمانيين


إعلان هام من مشائخ وأعيان ونسابي وباحثي الأشراف السليمانيين


العودة   المنتدى الرسمي للأشراف السليمانيين > الأقسام الأدبية > منتدى القصص والروايات الأدبية


رواية ماكنتوش اتوقع أني راح أخوض هذي التجربة

منتدى القصص والروايات الأدبية

إضافة رد
 
LinkBack أدوات الموضوع انواع عرض الموضوع
قديم 01-04-2014, 03:28 AM   #1
كبار الأعضاء
 

افتراضي رواية ماكنتوش اتوقع أني راح أخوض هذي التجربة

بسم الله الرحمن الرحيم





بسم الله الرحمن الرحيم*
السلام عليكم ورحمة الله وبركاته*
انا طبعا عضوة جديدة بالمنتدى وحبيت أني انزل لكم رواية من تآليفي راح انزل بارت واحد ان شفت فيه حماس كملت*
ياله بسم الله نبدأ*

رواية ما كنت اتوقع ان راح أخوض هذي التجربة*

هذي رواية خيالية حتى الشخصيات خيالية وفيها نوع من الحماس والاكشن وكمان فيها رومانسية ولا أحلل ولا أسامح احد ينقل الرواية دون مايذكر اسمي فيها واتقبل النقد في روايتي لكن بحدود*
ياله نبدأ ....*

كانت نايمة على الارض وفجآءة اندفر الباب وبصراخ : أيا بنت اللذين للحين نايمة ياله قومي بسرعة ياله وراك شغل ياله قومي ياله

قامت وهي مفزوعة وعصبة وقالت وهي بدون ماتحس على نفسه *: هيه انتي *وشفيك وبعدين فيه احد يقوم الناس بهذي الطريقة*

وزوجة أبوها قاعدة تناظرها والشرار يطلع من عيونه وراحت لمه وسحبت شعرها وقالت : والله وطلعلك لسان يابنت السورية انا الحين اوريك وقامت تضربها بطريقة موحشة وملاك مو قادرة تتدافع عن نفسها من قوة ضربها وماعندها حل سوى انها تبكي و تصرخ ، ويوم خلصت راحت عند الباب ووقفت والتفتت لمه وقالت : ياله قومي لاتتآخرين وياويلك ان تأخرتي تسمعين ياملاك وطلعت وصكت الباب بآقوى ما عنده ،

وملاك جالسة تبكي وطلعت من تحت وسادتها صورة امها وأبوها *وقالت وهي تبكي : يمة وينك يايمه رحتي وخلتيني وانت يايبه وينك رحت وخليتيني مع زوجتك القاسية .. اه يارب صبرني
......................……………*
أعرفكم على الشخصيات والباقي راح تعرفونهم في البارتات الجاية :*

ملاك : بنت يتيمة امها وأبوها توفوا بحادث سيارة قبل سنة وقررت انها تروح وتعيش عند زوجة أبوها الثانية؛ وعمره : 15 سنة طبعا تركت الدراسة *بسبة زوجة أبوها *
مواصفاته : بنت مرة مرة مرة جميلة مشاء الله وجذابة وبيضاء *شعرها اسود ناعم الى نص الظهر وعيونها زرق *>>>> طبعا العيون ماخذتهن من امه
ولها غمازات وجسمها متناسق كآنه عارضات ازياء وضحكتها تهبل ( خقة البنت )*ومرة طيوبة وذكية وحنونة و تحب تسوي مغامرات وتضحك الواحد بخفة دمها. **

امها : اسمها نسرين وهي سورية *
الاب : أسمة فارس*

والان نجي الئ زوجته : اسمها ريم وهي مرة مرة مرة تكره ملاك ومتحبها وجابتها للبيت بس علشان تذله *ودايم تضربه بسبب او بدون سبب واحيانا تحرمة من الاكل لمدة يوم وعليها وقاحة وحقد ماعمري شفته على احد ثاني *وعمره 39 سنة
.....................................
وقامت ملاك واخذت لها شاور عشان تنشط جسمها المتكسر وعقب ماخلصت توضآت وراحت وصلت وبعدها طلعت من الغرفة عشان تروح للمطبخ *هي قاعدة تمشي وقفها صوت ريم : بدري زاد تأخرتي اكثر بالحمام كل هذا سباحة شفطتي الماء كله يعني كل هذي نظافة ؟*

ملاك : استغفر الله العلي العظيم وأتوب اليه*

ريم بصراخ وعصبية : هيه انتي على وشو تستغفرين شايفة منكر ؟
وناظرتها ملاك وطنشتها وراحت دخلت المطبخ *عشان تسوي الفطور وهي قاعدة تقطع الطماطم بينها وبين نفسها قالت : افففففف ياربي لمتى راح أعيش مع هذي والله العظيم أني مليت لا انا لازم أشوف حل سنة قاعدة ومتحملة ضربها ذلها واهانتها لي بس ياربي وش هالحل هذا ؟ وجلست تعصر مخه وبعد ربع ساعة : إيه لقيت الحل والوحيد اللي راح يساعدني هي ام طلال*

أكيد الكل يسآل منهي ام طلال :*
ام طلال هذي جارتهم وتحب ملاك وتعاملها مثل بنتها بالضبط وحنونة وطيبة وحبوبة لكن بوقت الجد جد والله مارزقها غير بولدها طلال*
وهي تراه أرملة توفي زوجها صارلة 5 سنين*
طلال : عمرة 24 سنة يدرس طب برا بآمريكا
................................................
وبعد نصف ساعة جهزت ملاك الفطور ونادت ريم وفرشت السماط وحطت عليه الفطور*
وجاءت ريم وقعدت : ساعة على ماتزينيين الفطور*
وطنشتها ملاك وجاءت تبي تروح ووقعها صوت ريم : على وين انشاءالله ؟*
ملاك : ابروح اكل من امس ما آكلت شيء
ريم : ياله انقلعي
وراحت ملاك تآكل وعقب ماخلصت راحت ولمة صحون فطور ريم ونظفتهن وعقب ماخلصت*
راحت للغسالة عشان تطلع الملابس وطلعتهن وراحت طلعت الحوش ونشرت الثياب وعقبة بدت تنظف الحوش وغسلته وعقب ماخلصت راحت واخذت الملابس وراحت لغرفة الكوي وهي قاعدة تكوي جاءت لمه ريم وهي لابسة العباية وقالت : تراي ابطلع*
استغربت ملاك وشافت الساعة واستغربت اكثر لان الساعة كانت 11:10 وقالت لها : الساعة 11 فيه احد بالضحى ؟*
وعصبت ريم وجاءت وسحبت شعرها وقالت : انا كم مرة قلتلك لاتناقشين انتي وشو ماتفهمين*
وملاك قامت تبكي وقالت بآلم : طيب خلاص ماراح أتناقش مرة ثانية اتركي شعري آآآآآآآآآ هـــــــ وتركت شعرها ودفتها على الجدار وصبخت ملاك الجدار بظهرها وقام يوجعها ظهرها من الضربة*
ريم بتهديد : شوفي انا ابروح واجي الساعة 1ونص ان جيت وشفتك ماجهزتي الغداء ياويلك مني فاهمة*
وهزت رآسها ملاك بآيجاب ، وطلعت ريم ، وقامت ملاك على حيلها وقالت وهي بكل قهر والم : حسبي الله ونعم الوكيل*
وكملت كوي الملابس وخلصت من الكوي واول ماخلصت على *طول قعدت بالصالة وقعدت*
................... عند ريم*
كانت ريم عند صديقتها أميرة*
أميرة : هاه وشلونك ياريم*
ريم : الحمدالله تمام وانتي*
أميرة : تمام*
أميرة : اقول وش اخبار بنت السورية ؟*
ريم كشر وجهها : تكفين لاتجيبين طاريه واللي يرحم والديك*
أميرة : ليش ؟؟؟*
ريم : افففففف انا بس احتري اليوم اللي تطس من البيت افففففف والله العظيم أني مليت منه مليت*
أميرة : طيب وش رآيك تزوجينها وتفتكين*
ريم : لا وش تزوجها انتي الثانية*
أميرة : ليش هي كم عمرها ؟؟؟*
ريم : 15 سنة*
أميرة : إيه مناسبة لزواج*
ريم : أميرة البنت توها صغيرة وشلون تبيني ازوجها*
أميرة : عادي ما ضر أمهاتنا الأولين انتي تدرين متى امك تزوجت*
ريم : ادري *تزوجت وكان عمرها 14 سنة*
أميرة :هي تعرف الأشغال المنزلية مثل الطبخ والكوي وكذا*
ريم : إيه*
أميرة : خلاص اجل زوجيها وافتكي*
ريم : أميرة خلاص قلتلك زواج ماراح ازوجها ورجاء قفلي الموضوع*
أميرة : كيفك انتي الحرة*

وعقبها جلسوا يسولفون*

........................... عند ملاك*

كانت قاعدة وشافت ملاك الساعة وكانت الساعة 12 بالضبط وقالت : يووه انا لازم اروح واجهز الغداء ، ونقزت ملاك وطيران للمطبخ *وقالت هي توه داخلة المطبخ : خلين اسويلها كبسة وبدأت تطبخ وبعد عشر دقايق إذن الظهر وعلى طول راحت ملاك وتوضآت وصلت وقعدت تستغفر شوي وعقبة رجعت للمطبخ كملت طبخ وعقب ساعة خلصت ملاك وكانت الساعة 1 بالضبط وقالت : إيه يمدينا وقت عشان أزين السلطة ، وبدأت تزين السلطة وبعد 20 دقيقة كانت الساعة 1وثلت وخلصت ملاك من السلطة : اه الحمدالله خلصت ياله باقي 10 دقايق وتجي ، وراحت وفرشت السماط وحطت الاكل عليه وجاءت الساعة 1ونص*
ودخلت ريم وشافت الاكل وقالت : ماشاء الله اشوفك جهزتي كل شيء و(بإستهزاء ) والله وطلعتي تعرفين *يابنت السورية*
وكانت ملاك تنتظرها ومن داخلها تسب فيها وتحسب عليها*
وعقب ماخلصت ريم من الاكل قامت وغسلت وقعدت ملاك تلم السفرة وراحت للمطبخ*
وجاءت ريم وقالت لها : شوفي انا راح ادخل انام ابيك تنظفين الدرايش والأرضية والكنبات ابي اقوم والاقي *البيت يلمع فاهمة يا هه بنت السورية؟*
وقالت لها ملاك : حاضر انشاء الله*
وراحت ريم ونامت ، وقعدت ملاك تنظف الدرايش وخلصت وعقبه بدآت بتنظيف الأرضية وعقبه بدآت بتنظيف الكنب وعقبه من كل شيء واستغرق كل هذا ساعتين وجاءت الساعة 3ونص وآذن العصر وعلى طول توضآت وصلت ودعت ربه انه يحميه من كل شر وقعدت تقرأ قران شوي *وبعد نص ساعة كانت الساعة 4 العصر طلعت ملاك من الغرفة وشافت ريم لساتها نايمة وقالت : فرصة أني الحين ابروح لآم طلال واقوله
وراحت لام طلال وطقت الباب*

ام طلال : سانيتا روحي افتحي الباب*
سانيتا : حاضر ماما*
وراحت سانيتا وفتحت الباب ودخلت ملاك*
وقالت : ماما موجودة*
سانيتا : ايوا، تفضل *
ملاك : شكرًا ، وراحت ملاك مع سانيتا للصالة*
ام طلال : سانيتا من عند الباب ؟*
وملاك كانت واقفة عند الجدار متغيبة وفجاءة طلعت وقالت : انا*
ام طلال بفرحة : ملاك*
ملاك : بشحمة ولحمة*
*ام طلال : قصدك بعظمة ههههههههههههههههههههه*
ملاك : ههههههههههههههههههههه*
وراحت ملاك وسلمت على ام طلال وجلست جنبه*
ام طلال : هاه يابنتي شلونك وش اخبارك ؟*
ملاك : الحمد الله تمام وانتي ؟*
ام طلال : الحمدالله زينة*
ملاك : وش اخبار طلال ؟*
ام طلال : زين ماعن....... ولمحت ام طلال رجل ملاك وكانت زرقاء وخافت*
ام طلال بخوف : ملاك وش فيك منو مسوي فيك كذا ؟*
ملاك بكذب : بصراحة كنت قاعدة أغسل الحوش و......*
وقاطعتها ام طلال : لاتكذبي علي قوليلي بسرعة من مسوي فيك كذا*
وبدآت تدمع عيون ملاك وعلى طول ضمت ام طلال : آآآآآآآآآ هـــــــ ياخالتي والله العظيم أني تعبت ( طبعا تناديها خالتي من الاحترام )

ام طلال ضمت ملاك : سلامتك من الآه يابنتي وش فيك ؟ ومن مسوي فيك كذابرجلك ؟*
ملاك وهي تشاهق : هذي هذي هذي ريم اهئ اهئ اهئ*
ام طلال : حسبي الله ونعم الوكيل عليها الله ينتقم منها وجلست تهدي ملاك لين ماهدت شوي ، وبعدها ملاك رفعت رأسها من حضنها وقالت : خالتي ابيك تساعديني *
ام طلال : عيوني لك يابنتي امري تدللي*
ووقفت ملاك عطت ظهرها لام طلال وقالت : نا قررت قرار*
ام طلال : وش هذا القرار ؟*
ملاك : قررت أني .....................

ياترى وش هذا القرار ؟*
وهل ام طلال راح تساعدها ؟*

ان شفت ردود تحمس كملت *


ادمـنتهـا فــ رحـلـــت غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:38 PM


Powered by vBulletin® Copyright ©2000 - 2019
Jelsoft Enterprises Ltd. TranZ By Almuhajir


Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34