المنتدى الرسمي للأشراف السليمانيين


إعلان هام من مشائخ وأعيان ونسابي وباحثي الأشراف السليمانيين


العودة   المنتدى الرسمي للأشراف السليمانيين > الأقسام الأدبية > منتدى القصص والروايات الأدبية


إضافة رد
 
LinkBack أدوات الموضوع انواع عرض الموضوع
قديم 01-04-2014, 03:24 AM   #1
كبار الأعضاء
 

افتراضي روايه انا بنت بس متخفيه بثوب وشماغ /جريئه /اكشن/مغامرات //كااامله

بسم الله الرحمن الرحيم




مرحبا
كيفكم ان شاء الله طيبين؟
جيت ومعاي سابع رواياتي و ثاني رواية انشرها
وانا نزلتها في المنتديات ثانيه بس قلت انزلها هنا

انا بنت بس متخفية بثوب وشماغ

ما راح اوصفها لكم وانتوا اكتشفوا من نفسكم
وماراح اطول بمقدمتي واخلي بارتات روايتي تحكي لكم
دمتم بخير حبايبي


انآ بنت بس متخفية بثوب وشماغ




اذا المراجل لبسة شمـاغ وعقـال
قل للعـذاري يلبسـن العمايـم

ماعاد يفرق زول حرمة ورجـال
دام الفعايل تشبه البعـض دايـم

المرجلة ماهيـب كلمـة وتنقـال
وتروح ماراحت هبوب النسايم

ولا خشونة صوت اورفع الاثقـال
او رزة صدور وفعل الزلايـم

ولاهي بعد مفتاح موتـر وجـوال
والا ردى لسانن حديثة شتايـم

المرجلة شيمه عن القيـل والقـال
رفيع نفسن حـر باجـو حايـم

المرجلة عقل وزن وزنـه جبـال
ودون العقل وش فرقنا والبهايم

يامسندي لومايل الوقت بـي مـال
ياولد أبويـه ياعظيـم العزايـم

يامعرب الجدين من العـم والخـال
يانخوة المفزوع وقت الهزايـم

المرجلة ياخوي هي طولـة البـال
هي العزم هي الصبر فالظلايـم

فيها الكـرم عـزة دلـه وفنجـال
فيهاالكرامه عن
ردى الطبع شايم

والدين لامنه خـذا القلـب منـزال
مشى طريق الحق وابليس نايـم

ومن لاعرف ربه في طيب الحـال
لابد وقت الضيق بالهـم هايـم


حتى صلاتك مع جماعات ورجال
في خيرها ياخوي نعم الغنايـم

ولامن نصف ليلك قم صفي البـال
ياعظم اجرك بين ساجد وقايـم

ولامن رفع ربي له كل الاعمـال
حسن الذكر لاقالوا فلان صايـم

وخلك شريف القصد ياطيب الفـال
سوء المقاصد فالبيوت الهدايـم

واحذر تبيع النفس في دب الأنـذال
وتتبع خوي ابليس راع النمايـم

النفس خيل لـك اذا كنـت خيـال
ومن لاقوى نفسه قوته الهزايـم

ولاصرت ماتدري لوش انت رجال
والله خسارة فيك ذبـح التمايـم

التعريف بالشخصيات..


\
/
\
/

نبدأ اول شي بالخبـر ..
البآب الحديد الكبير ينفتح ..
ندخل واحنا متحمسين ^^
ممر طويل نوعا ما وعلى جوانبه انواع الورود .. النخيل شي مهم بذا البيت .. نافورة فخمة رغم شكلها القديم تقطع الممر الى نصين .. شكلها مثل الحورية الي تطلع الموية من فمها .. انوار حمراء وخضرااء وصفرااء تزين قاع النافورة .. بوابة حديد كبيرة تنفتح وتستقبلنا شابة بالـ 40 ..
اخلي كل فرد بذي العائلة يعرف بنفسهـ ..
الام وصاحبة البيت (( نورة ))
مرحبا .. انا صاحبة البيت عمري بالـ 43 من وجهة نضري انا انسانة عصبية بس طيوبة شديدة شوي على عيالي .. المفروض اني اشتغل .. بس بنتي الكبيرة سديم منعتني من كذا ^^
.................................................. ...
الاب وصاحب البيت (( كآيد ))
السلام .. انا صاحب البيت وعمري 47 سنة .. انا انسان حازم شوي .. طيب وعصبي .. امزح بس وقت الجد جد .. اشتغل موضف بشركة ارامكو السعودية .. وحياكم الله في بيتي ^^
.................................................. .......

البنت الكبيرة (( سديم ))
الو الو .. 1 .. 2 .. 3 .. ليه تطالعوني كذا تراني اجرب المايك .. احم انا البنت الكبيرة بعائلتنا المتواضعة .. انسانة عربجية ومغرورة شوي .. شوي بس هاا ^^ .. يعني لااحد ياخذ عني فكرة ^^ .. مرحة بس حساسة شوي .. احب القيادة بس اتردد بالموضوع .. اهم شي فيني ويعجبني اني متهورة بقوة .. اتمنى ادرس بايطالياا .. عمري 18 سنة .. ثاني ثانوي ــ علمي

.............................................

البنت الوسطية (( شوق ))
مرحباا .. انا البنت الوسطية .. دلوعة البيت .. انا احس اني حلوة فديتني .. دلوعة ودلعي لايق علي .. شطورة .. وطيوبة .. هوايتي اني اهاوش سديم هع .. عمري 15 سنة – ثالث متوسط

.................................................. .
البنت الاخيرة (( حنين ))
هلآ بنآت .. انآ حنين الحنونة.. طيوبة وشطورة ودافورة وامتلك مستشفى كامل لي انا وحدي .. عالجت من قبل جدتي وجدي .. وبصراحة ابقولكم سر .. انا الي ولدت امي وابشركم جاابت ابوي .. عمري 10 سنين .. رابع ابتدائي

...........................................

خلصنا من عائلة .. كآيد العتيبي .. اتمنى استمتعتوأ معآهم ونروح لعايلة ثانية ..
نورة : لا مايصير تطلعوا ما تقهويتوا ولا تعشيتوا معانا ..
انا : فديتك خالتي .. ورانا اشغاال بنرووح لفلل ثانية
نورة : الله يحفضكم ..
.............................................

فلة تصميمها مثل تصميم الاولى .. تكون بوجه فلة كايد ..
دقينا الجرس 3 مرااات بس لامجيب ,, فقررت احد القارئات العربجيات كسر البااب .. كسرنااه ودخلنا ولا كأن مسوين شي هع
سمعنا صوت بوحدة من الغرف ..
ركبناا كلنا بحمااس .. وشفناا بنت فوق اخوها وتهاوشهـ
سارة : خاااااااالد جيب الماايك
خالد يسحبه : انا اخدته اووول روحي عن وجهي
سارة : قلت لك جيبه
خالد عطاها بكس بخشمهاا .. ومسك المايك

.................................................. ....

الخآلد (( الابن الاوسط بالعائلة)) ..
مرحبا السااع .. انا خلودي .. انا انسان مثقف وناادر الوجود .. يعني لو تلفوا الدنياا ما تشوفوا مثلي .. انا وسيييييييييم واطيح الطير من السماا .. علي حركات شيطانية .. يعني الي يبي ينتقم او يهاوش يجيني .. عمري 20 سنة و...
.......................................

سحبت سارة المايك ..

....................................

سارة ((البنت الصغرى بالعائلة ))..
هآآآآآيز .. انا سارونة المزيونة .. انسانة طيبة ومرحة .. انا صديقة سديم وبنت عمها .. امم شنو بعد .. انا جاايبة الاولى على المملكة كلها .. هآآع لاتصدقوا امزح .. عمري 20 سنة .. ولي توام كريه اسمه خالد و ..
..........................

خالد عطاها بكس وهي ردت له البكس .. نخليهم ونرووح غرفة ثانية

......................

دخلنا غرفة النوم بعد ما طقينا الباااب ..
رفعنا غطاا السرير وشفنا صااحب البيت (( فهد )) خفنا انه يعصب بس الحمد لله ابتسم لناا ورحب فينا

......................................

فهد (( الاب وصاحب البيت ))

السلام .. انآ صاحب البيت .. اسمي فهد .. انساان عطوف ومرح .. قليل اذا عصبت .. يعني فري بس بحدود << كيف تصير ذي هع .. اشتغل موضف بشركة كبيرة بالريااض .. اياام شغلي (( السبت .. الاثنين .. الاربعاء .. الجمعة )) امم يلا اطلعوا ابي انآم ..

........................................

حنا لقطنا وجهناا وطلعنا المطبخ .. شفناا حرمة تصارخ على الخدم

..........................................


علياء ,,(( صاحبة البيت والام ))
هلا انا ام هادف ,, انسانة مثقفة ومتسلطة شوي .. عندي جمعية نسائية ونقيم فيها ندوات كل شهر ,, انا اختصاصية نفسية عشان كذا اشتغل بمدرسة النهار ويوم السبت والاربعاء بالجمعية بالاضافة لايام الندوات ,, لي ولدين وبنت ., التوام سارة وخالد ,, وولدي الكبير هادف عمرهـ 23 سنة يدرس في امريكا دكتور عضام وباقي عليه شهرين ويرجع ,,



...............................

طلعنا من فلتنا الثانية ,, ودخلنا اخر فلة ,, كانوا مجتمعين بالصالة ام واب وثلاث بنات وثلاث اولاد ,, نتعرف عليهم ,,
.........................

سوزان ( البنت الكبرى بالعائلة )
هلا انا سوزي " سوزآن " انا ايمو وباردة مثل ما يقولوا الكل غامضة وبلا مشاعر ,, عمري 19 سنهـ ,,
..........................

دلع ( البنت الوسطية )
اهلن اهلن يا حولوات ,, انا دلع دلع انسانة اجتماعية ,, اعتراااف ,, احب زوجة عمي " علياء " تعجبنييييي واتمنى اكون مثلها ,, امم أي شي اذكرهـ ابخبركم فيهـ عومري 17 سنهـ .. اول ثانوي – ادبي

...............................

تولين ( البنت الصغرى )
هلا انا توتي فروتي ,, عايشة الدنيا طووول بعرض ,, باردة وحبوبة ,, عمري 16 سنة بثالث متوسط مع شوق بالمدرسة

.......................................

عند الشباب .. اثنين يلعبون كيرم وياكلوا فص فص ههه والثالث جالس على جنب ويطالع لابتوبه ويشرب بيبسي
سعود ( الولد الكبير بالعائلة )
يامرحبا ترحيبة الدنيا بشمسها ترحيبة مافي مثلها ,, كيفكم بناتو وشبابو ,, انا سعوود مطيح نص بناات السعودية .. يلقبوني بشاعر العائلة لاني كل ما اجتمعت معاهم اعطيهم من ذا القصيد ,, وبكل فخر اقولها انااا اكبببر مغازلجي بالسعودية او بالاصح بالعالم اجمع ,, حلوو الترقيم وقصصم ,, جربوا وبتدمنوا عليه .. عمري 21 .. ويلا حياكم .. الرقم يا كيكات *********<< مشفر ممنوع عرض الارقام هههه

..........................

معن ( الولد الاوسط )
..............................

طالعني ورجع يطالع بلابهـ

....................................

انآ ابتكلم عنهـ ,,
..............................

معن انسان كتوم وهادىء وغامض وبارد دايما ساكت ومايكلم احد منعززل عن الكل من يوم هو بعمر الـ 13 سنهـ ,, رغم كذا الا انه خقاااااق يههههبل يطيح الطير من السماا ,, ونص البنااااات يلحقونهـ بس هوو مطنشنهم ,, ماعنده اصحاب بسبب عزلته ,, عمره20 سنهـ ,,
....................................

سطام ( اصغر عيال العاائلة )
هلا واللللللهـ بكل البنات والشباب الي يتابعوني ^^ ,, انااا سطوومي ,, اصغر وااحد بشبااب العايلة ,, عمري 18 سنهـ ,, امووت بالترقيييم والبر والطلعاات وكل ابوو شي ,, يعني انا انسان اجتماعي بس ذا الي عندي ,, نورتوا ,,
......................

الام ( مودة )
مرحبا انا مودة ,,
....................

مستعجلة هاع ,,
.............

الاب ( عبد الرحمن )
السلام عليكم ,, اناا عبد الرحمن ,, يا شباب ويا بنات اتركوا هالروايات وروحوا احفضوا لكم كم اية من القرآن ان للهـ كل ذا من الابلييس وحيدة
انآ : ووووجع عبدوهـ ما أحد قآلك اشتغل بروآيتي هع
عبد الرحمن هز راسه بيأس ومشى

....................

انتهينا من ذكر الشخصيات المهمة ,, سندخل بحاايتهم كماا يدخل الشيء بالشيء الاخر ههههه ,,,
بالبدااية ,,
اذكركم بالشخصياات ,,
( الشباب )
,,
( خالد .. هادف .. سعود .. سطام .. معن )

,,

( البنات )
,,
( سديم .. شوق .. سارة .. دلع .. تولين .. سوزان )
بالاضافة لحنين الي ما بتطلع كثير بالرواية ’’


ادمـنتهـا فــ رحـلـــت غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:36 AM


Powered by vBulletin® Copyright ©2000 - 2019
Jelsoft Enterprises Ltd. TranZ By Almuhajir


Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34