المنتدى الرسمي للأشراف السليمانيين


إعلان هام من مشائخ وأعيان ونسابي وباحثي الأشراف السليمانيين


العودة   المنتدى الرسمي للأشراف السليمانيين > الأقسام الأدبية > منتدى القصص والروايات الأدبية


اخاف الاعتراف

منتدى القصص والروايات الأدبية

إضافة رد
 
LinkBack أدوات الموضوع انواع عرض الموضوع
قديم 07-28-2013, 10:54 PM   #1
كبار الأعضاء
 

افتراضي اخاف الاعتراف

بسم الله الرحمن الرحيم


اخاف الاعتراف

سلام عليكم ورحمه الله
كيفكم ؟اول شي انا فكرت اكتب روايه بس خفت اني ما ازبطها بس صديقاتي شجعوني وخواتي بعد فكتبت ولاول مرا واتمنى تعجبكم واقبل نقدكم وكل شي بس طبعا باحترا ويلا ببداها بتعريف عن الشخصيات المهمه نقره لعرض الصورة في صفحة مستقلة
انا رنا من الشرقيه عمري 16 سنه اول ثنوي عاديه طولي متوسط عيوني بنيه وواسعه شعري طويل وبني ولوني حنطي مائل للبياض نحيفه وجسمي مخصر اعشق صديقاتي وحساسه واللي احبه اغار عليه بشكل غير طبيعي
الشخصيات اللي بتتكرر
البابا :ابو ريما ، الماما : ام ريما. اختي :ريما اخر سنه جامعه
جدي عوضه ابو امي .وجدتي فاطمه ام امي .وعمي علي وعياله سديم و عزيز<كبري .عليا ومحمد ووليد ونواف ...ساره ونوره وياسمين ورزان صديقاتي المقربات حيل حيل ،،سواقنا جديد اسمه احمد جنسيته (يمني )
" البدايه "
ايام الاختبارات الماما :رنا رنا رنا رنا اصحححي بسرعه تاخرتي الساعه 6:30





رنا (بفجعه): اييييييش وبسررعه تروح تغسل وجهها وتلبس مريولها وتنزل
البابا : بسرعه خذي لك اكل واطلعي من اولها بتخلين السواق احمد يعرف انك تتاخرين بالصبح
رنا (باستعجال ) :باي بابا باي ماما وطلعت وركبت السياره
احمد : باقي احد يا اختي
رنا :لا حرك (طالعها بالمرايه اللي قدام وضحك بصوت واطي ووهم في الطريق كل شوي يطالع رنا ورنا (بنفسها ):اااففف وشبه ذا يطالعني كذا مو قادره اخذ راحتي اااف ما نقصني الا هو
وصلت المدرسه ونزلت على طول واول ما دخلت سلمت على صديقاتها
ساره :لا الصراحه بددددددري
رنا :والله راحت علي نومه فجاه امي مصحيتني 6:30 زين صحيت ولا راح علي الاختبار
نوره :طيب راجعتي ولا شلون
رنا :نص نص بس تكفون ابي قلم ازرق
رزان وهي طايره من بعيد جايه لرنا :رنوووووووووو حبيبتي اشتقت لك اااخخخ كم احبك ي حماره ذكريني بعد الاختبار بقول لك سالفه
رنا: ترى والله امس شايفتني ي العياره المهم طيب بذكرك عاد بالسوالف وكذا مابنسى وصح ذكرتيني جايبه جوالي تعرفون ما اقدر اتركه وكذا يعني
ياسمين (بعد ما قطعت مراجعتها وبطفش قالت ): وبدت تتغزل بجوالها
وبدوا الابلات يدخلون قاعات الاختبار ودخلنا واختبارنا وفحطنا وقبل انتهاء الوقت حق الاختبار الا فجاه وبصوت شبه عالي :"ماهو مهم الدمع للعين يرجع ولا تطيح وتجرحه راحت اليد "
الا وهو جوال رنا اشتغل على الاغنيه الكل بدا يتلفت وش فيه وش صاير وهنا رنا تشنجت من الخوف
الابله وبصوت واطي :بناااات وش السالفه مين اللي جايبه جوالها
رنا وبخوف وفيها رجفه : اان.نا اب ب بله اااسسسفه تتكفين لا تعلمين احد معد اجيبه بس بس تكفين
الابله : طيب عطيني اياه بعد ما تطلعين بعطيك اياه ولا تعلمين احد ولا انتي اللي بتتورطين
طلعت رنا من اللجنه واخذت جوالها وشكرت الابله تسليك عشان تصرفها وصاروخ للبنات
رنا (بحماس): بناااات الللحقوو وش صاااااار (وقالت لهم السالفه )
ساره ورزان وياسمين ونوره بصوت واحد : امممممممممممما وبدوا يسبونها
ساره :ي غبيه انا قايله لك لا تدخلينها اللجنه
نوره :ايه وانا اشهد
ياسمين ي حماره انا مو بصوتي قايله لا تجيبينه معك بالمدرسه بكبرها
رزان : لا يا شيخه بصوتك تقولين اما عاد رنا رنا يلا امشي بس خلهم اصلا حصل خير
رنا : ايه ووش السالفه حمستيني
رزان : امممممممممم احبك
رنا بنضرات سامجه :زوز قولي
رزان :الصراحه انتي اللي ابيك تتكلمين
رنا مستغربه :وش اقول هههه صاحيه انتي
رزان : رنا رنو قلبي حبيبتي انا صديقتك قولي لي وش يعني لك
رنا :اييه خلاص معجبه وبس خلص ياخي انا قلت لك امي وامه منافقات مع بعض مستحيل يصير شي بيننا
رزان :لا تحبينه انا اعرفك
رنا :مو حب هذا صدقيني اعجاب بعدين ما اتواصل معه ترى كذا بس هياط
رزان :طيب متى بتسافرون لهم
رنا :بشتاق لكم والله (والدمعه بعينها
رزان : وحنا بعد بنشتاق لك بس لاتغيرين الموضوع شوفي انك تقاطعيني بالاجازه ترى بتنذبحين
رنا :ولو انا كم عندي زوز في ذي الدنيا
ورجعوا للبنات وودعوا بعض لان رنا بتنقل من المدرسه وبدوا يعطونها الهدايا للذكرا وكلن طلع بيته
رنا بنفسها :ي رب ما يعيد حركات الصباح ما غير يناظر
احمد :رنا ترجعين البيت ولا ؟
رنا :بسم الله وش دراك باسمي المهم روح على الجامعه اول
اول ما وصلوا رنا دقت على ريما وقالت لها حنا برا
ريما :طيب ادخلي شوي هند صديقتي تبي تسلم عليك
رنا :يوووووه مو متكشخه يختي
ريما :يلا عاد انزلي ولا ترى ....
رنا قاطعتها : خلاص خلاص يمه بنزل
دخلت وتدور ريما وفجاه احد يمسكها من خصرها رنا لفت على طول وتطلع البويه اللي تكرهها ريما
البويه (عزام ):واخيرا شفتك وكحلت عيوني فيك اااهه ي قلبي ليتني اشوفك كل يوم زي ما اشوف اختك المخيسه
رنا وهي تحاول تبعد : بسم الله وشو اللي مخيسه وبعدين مين انتي اصلا <رنا تعرفها بس عشان تقهرها
عزام :حبيبتي انتي سمعي انا بروح محاظرتي cu واحبك وباستها بخدها وراحت
رنا تقرفت :وع باللي ما يحفظك <رنا ما عندها مشكله مع البويات بس ذي بالذات شياطين الدنيا تركبها لما رنا تشوفها
ريما تنادي رنا من بعيد: رنا رنا شوفي هنا حنا ي الحوله
رنا :اوووص مو قدام الناس وشو حوله انا اختك الصغيره لفت وطالعت هند
هند:يا لبيييه اشتقت لك ي المختفيه
وسولفوا شوي وطلعوا وركبوا السياره
ريما :رنو افطرتي ولا تبين فطور
رنا :لا بس مالي خلق اكل وانت؟
ريما : ام ام افكر اخذ من اي بوفيه بس ما اعرف شغلهم كيف تعرفين اليمنه بعضهم
وفجاه سكتت تذكرت اللي معهم يمني وقامت تزبد لنفسها
رنا:المهم اقرب بوفيه بنزل وبطلب لك
وقفوا عند بوفيه ونزلت رنا
رنا :لو سمحت ابي ثنين سندويشه نقانق وثنين عصير واحد فروله والثاني تفاح
وفي ثنين يطالعون فيها واضح انهم لعابين اخذت رنا الاكل ودفعت وركبت السياره
رنا :يممممه ريما في شباب يلااحقوننا
ريما :اما شف الكلاب
رنا :يمممه وش نسوي الحين
هنا ينتهي البارت الاول اتمنى يعجبكم وابي تعليقاتكم عليه واقبل اي نقد بس باسلوب
بقلم~ ra'3osh ~
بتاريخ 22/6/1434
جميع الحقوق محفوظه
{وتستمر الاقلام بالكتابه }


الشريفة السليمانية غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:19 AM


Powered by vBulletin® Copyright ©2000 - 2019
Jelsoft Enterprises Ltd. TranZ By Almuhajir


Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34