المنتدى الرسمي للأشراف السليمانيين


إعلان هام من مشائخ وأعيان ونسابي وباحثي الأشراف السليمانيين


العودة   المنتدى الرسمي للأشراف السليمانيين > الأقسام الأدبية > منتدى القصص والروايات الأدبية


رواية مفتوح لك حضني لجل انك عليه تبكين

منتدى القصص والروايات الأدبية

إضافة رد
 
LinkBack أدوات الموضوع انواع عرض الموضوع
قديم 07-24-2013, 04:16 PM   #1
كبار الأعضاء
 

افتراضي رواية مفتوح لك حضني لجل انك عليه تبكين

بسم الله الرحمن الرحيم



رواية مفتوح لك حضني لجل انك عليه تبكين ، انتي مو هينة يا بنت تحملتي هالألم كله ♡



السلام عليكم .. حبايبي هذي راوية مرة ممتعة .. راقت لي وحبيت انقلها لكم ..

روايه رومنسية جريئة حزينة ..

إذا شفتكم متفاعلين معي كملتها ..

♡♡


روآية ••

مفتوح لك حضني لجل آنك عليه تبكين ، انتي مو هينه يا بنت تحملتي هالألم كله □□■


للكاتبة ••

طفلة آدم ، 17 .


الباااااااااارررررت الاوووووووووووووول ~ ..



■■□


○○


التعاريف /

آبو رنا :- خالد .. مريض بالشلل ومتقاعد .. طبعآ ما جآه الشلل الا بعد وفاة آم رنا بسنتين .

..

آم رنا :- جولين .. متوفيه منذ 4 سنوآت تقريبآ .

..

آخو رنا ( عبدالعزيز ) :- عمره 7 سنوات بصف آول إبتدائي .. رنا مرررة مدلعته وتلبي له كل طلباته لو على حساب نفسها .. يوم تتوفى آمه كآن عمره 3 سنوات وقامت بتربيته بطلتنا ..

..

بطلتنا رنا : - عمرها 17 سنة .. طموحة جدآ وهي المسئولة عن عايلتها .. دائم مبتسمة ومتفائلة .. وعندها ثقة تامة ان ربي بيغير حالهم الى الافضل .. / بيضاء البشرة وعيونها عسلية وشعرها بني ومتوسطة الطول }} ماخذة جمال آمها اﻹيطالية {{ ..

***

**

آعدك سأحيا وآنا احبك ، وآعيش وآنا آعشقك ، وآموت مهيمة بك ♡♡

○○ طفلة آدم ، 17

_______________________


في آحد آحياء مدينة الرياض وتحديدا بيت ابو رنا ..

..

مثل كل صبآح صحت رنا من نومها وهي تبتسم ليوم تثق بإنه أجمل من الامس .. حطت يدها على فمها وهي تتثاوب : يا ربي وش هالكسل ؟!.

وناظرت الساعة الموضوعة على طاولة مربعة الشكل بجانب سريرها: يووووه (9:30)؟! تأخرت..

أبعدت الفراش عنها ونطت تأخذ جوالها من فوق التسريحة وتتصل على ام سعود..

رنا:السﻻم عليكم..

ام سعود:مين رنا؟؟ وينك يمه تأخرتي ؟؟!.

رنا: آسفه خالة امس سهرت والمنبه اليوم ما رن..

آم سعود: طيب الظيوف بيجون يابنتي .. والبيت يحتاج له ترتيب.

رنا: أجيك الحين ؟!..

ام سعود: اي يمه استعجلي..

رنا:ابشري بس ما اتفقنا على السعر ؟.

ام سعود : لك اللي يرضيك آن شاء الله .

رنا : طيب مع السلامة .

رمت جوالها على السرير وبدت تجهز نفسها لشغلها مثل كل اربعاء .. - يبدأ شغلها 5 العصر وينتهي الجمعة 1 الظهر -.

______________


دخلت الصالة وبيدها صينتين (حﻻ وفطاير) حطتهم على الطاولة وهي تشوف ام سعود تنزل من الدرج بعصاها..

مشت لها وباست راسها: صباح الخير.

ام سعود:ياصباح النور.. كيف حالك اليوم؟

مسكت رنا يد ام سعود تساعدها على المشي : بخير يمه انتي كيفك..

ام سعود: نحمدالله ونشكره..

رنا: الحمدلله ياجعله دوم يارب..

ام سعود تشد على يد رنا: سلمتي يابنتي خليني بجلس على ها لكرسي..

جلست رنا جمب ام سعود: من بيجيك اليوم؟!

ام سعود : بتجيني الحبيبة .

رنا : ويا كثر حبايبك يمه .

ام سعود تضربها على راسها : تتطنزين بي ؟.

رنا : ههههههههه وش دعوة يمه ؟.

ام سعود : ومن يعرفك كثري انا يا رنا .

رنا : خلا ص آسفه .. ويا كلمة ردي مكانك .

ام سعود تبتسم : ويا زينك وآنتي مأدبة.

رنا : أسمها مؤدبة مؤدبة يمه .. هههههههههه .

ام سعود : وانتي ما تتوبين توك تقولين آسفة .

رنا : هههههههههههههه خلاص توبة ما اعيدها .. ما قلتي آي حبيبه بتجيك ؟.

ام سعود : بتجي وخيتي مها .

رنا صرخت بحماس : واااااااااااااااااء .. مهاوي بتجي اليوم ؟!.

ام سعود تظربها على فخذها : اركدي وش بلاك صايرتن مهبولة ؟.

رنا : هههههههه حاسدتني يمه ؟.

ام سعود : ومين يحسد بنته ؟ .. قومي بس سوي لي فطور ما فطرت.

رنا : وش تبين تاكلين ؟.

ام سعود : اي شي من يديك .

رنا : ابشري .

وراحت رنا للمطبخ وام سعود تبتسم وتتذكر اول يوم جت فيه رنا لبيتها بدون امها .. كان وقتها عمر رنا 13 سنة .. لابسة عباية على الكتف ومتحجبة .. وعيونها حافها السواد وشفايفها جافة ووجها اصفر .. كانت صورة للألم والمعاناة والفقد .. ( دخلت بيت ام سعود اللي كان بابها دايم مفتوح .. وتمشي وآحساسها تائه ..

آم سعود من ورا رنا : رنا يمي آنا هنا ..

رنا التفت لوراها لترى ام سعود واقفه عند باب المجلس : آهلين خالة ..

آم سعود : وراه وجهك كذا ؟ .. تعالي يمه قربي تعالي ..

رنا ثابته بمكانها وشابكه يدينها ببعض : آنا بس جيت ﻵن عزوز يبكي .

آم سعود : يتوجع من شيء ؟ .

رنا هزت كتفها : ما اعرف .

آم سعود : زين يمه جيبي عبايتي من غرفتي .

رنا : آن شاء الله ..

وركظت لغرفة ام سعود وقلبها يكويه الخوف على آخوها .. خصوصآ ان امها مدلعتها ولا علمتها شغل البيت وكيف تكون قد المسئولية .. >> بذيك الليلة عطت ام سعود عبدالعزيز مسكن وجلست تسولف مع رنا وعلمتها كيف تكون ام لآخوها وهي اللي تتولى تربيته وهي المسئولة عن عايلتها ومكانها الحين مثل مكان امها سابقآ .. )

آطلقت آم سعود تنهيدة : وش كثر كبرتي يا رنا .

رنا وبيدها صينية اﻵكل : تفكرين فيني .

ام سعود : ومن يشغل بالي غيرك يا العوبة ؟.

رنا : ههههههههه وراه عاد عوبة ؟.

ام سعود : حطي اﻵكل بس خليني آكل هلكني الجوع .

رنا : آن شاء الله .

ام سعود : هاتي علاجي من غرفتي .

رنا : اي آوامر ثانية ؟.

ام سعود : رتبي البيت وجهزي القهوة .

رنا تنحاش:ههههههه .. خلاص فهمت .

_______________


● الساعة 8 ●

**

*

ترررررررررررن .. ترررررررررن .. ترررررررن

ام سعود: رناااااااااااااااا .. رناااااااااااا .

رنا جاية تركض : سمي .. هنا هنا جيييت .

ام سعود: البسي جلالك وافتحي الباب .

رنا : ليش البس جلال؟.

ام سعود : سعود بيدخل .

رنا قطبت حواجبها : غريييييييبة .

ترررررررررررن .. تررررررررن .

ام سعود : استعجلي يا كثيرة الحكي ( الكلام ) .

رنا وهي تروح : ههههههههه طايحة فيني سب اليوم .

لبست عبايتها ونقابها وفتحت الباب ..

دخلت مها وبنتها نهى ..

رفعت مها نقابها وصافحت رنا : السلام عليكم .

رنا تصافحها : وعليكم السلام .. حياكي مهوي .. ( وتنزل بجسمها لنهى ) هاي يا حلوة .

دفنت نهى وجهها بعباية آمها .. وباستها رنا على رأسها ووقفت ..

رنا : يا سبحان الله البنت دلوعة مثل آمها .. شكلك ما عرفتيني ؟.

مها : لا .. وين فاطمة ( تقصد ام سعود ) .






رنا : مستعجلة يا مهوي ؟ ..( ورفعت نقابها ).

فتحت مها عيونها بصدمة : ررررررنننننووووو !!!!.

ضموا بعضهم وهم يعبرون عن شوقهم وحبهم لبعضهم ..

إبتعدت مها وهي تقول : وين وين !! .. مشاء الله احلويتي يا بنت .

رنا بخجل : هههههههههه .. عاد انا ينلطم لساني لين مدحني احد .

مها:هههههههههههه .. يا حبي ل...

قاطعهم صوت المفتاح اللي يتحرك بالباب..

مها : هذا اكيد سعود .

ركضت رنا لداخل وصوتها يختفي بالتدريج : آنا برقى فوووووووووق خذذذذوووواا رااااحتكككمم .

دخل سعود وقطب حواجبه : هو فيه صوت ولا انا اتخيل ؟.

مها : ها ؟؟ .. مدري يلا ندخل .

..

كانت ام سعود واقفة عند مدخل الصالة .. آلا وتمر رنا مثل الصاروخ من جمبها : تعاااااااااالي .. رنااااااا ؟ .. الله يرجها هالبنت دايم مرجوجة.

دخلت مها وسعود : السلام عليكم .

ام سعود : يا هلا ومرحبا .. يا هلا بوليدي .. يا هلا بسعود .. يا هلا بنور البيت .

ضمها سعود وباس راسها : هلابك يمه .. كيف الحال يا الغالية ؟.

ام سعود : بخير يمه انا بخير .. بلاك نحفان ؟ .. ما تاكل ولا تعبان ؟ .. يوجعك شيء يمه ؟.

سعود يبوس يدينها : ما فيني شيء يالغالية .. بس الجامعة ما ترحم .

ام سعود : الله يسهل عليك .. وين مها ؟.

مها كانت متربعة على الكنبة : ذكرتيني ؟.

ام سعود تمشي لها : وانا نسيتك اصلا .

وقفت مها وباست رأسها : وش لونك يا فاطمة؟.

ام سعود : بخير يا جعلك بخير .. ما بغيتوا تجون .

مها : جامعة ولدك اشغلتنا .. ومن جت هالاجازة قلت لازم اروح لفطوم .

ام سعود جلست وآشرت مكان جمبها : الله يسهل .. تعال يمه سعود آجلس .

سعود : من كان عندك يمه ؟ .

ام سعود : رنا الله يسعدها .. من درت انكم بتجون وهي تتسنع بالبيت .

ابتسمت مها : والله اني ما عرفتها الا يوم رفعت غطاها .

ام سعود : اييييه كبرت م عادت رنا الصغيرة .

سعود : كيف السكر يمه .. مداومة على علاجك ؟ .

ام سعود : رنا ما قصرت من يجي وقت علاجي زهي تتصل تقولي آكله .

سعود : الله يجزاها خير .. بنت خالد؟.

ام سعود : ايه بنت خالد .. جارنا الله يشفيه .

سعود : آمين ومرضى المسلمين .

مدت مها فنجال القهوة ﻷم سعود : سمي .

ام سعود : سلمتي .. تراكم بتجلسون عندي هالاسبوع كله .

سعود : آهم شي رضاك يمه .

ام سعود : الله يرضى عليك يابوي .. هي الاجازة اسبوع ؟.

سعود : تقريبا .

ام سعود : تقوله لي رنا..انها اسبوع وبين فصلين .

مها : هههههههه .. بين الترمين .. يعني الفصل الدراسي الاول والثاني .

ام سعود : ايه ماله داعي تشرحين .. رنا فهمتني .

مها : زين وعساك فهمتي ؟

ام سعود : وانتي تتطنزين بي بعد ؟.

مها : والله كبرتي يا فاطمة .

سعود : تزها صغيره امي .. بسن الشباب .

مها : اجل انا بسن الطفولة ؟.

ام سعود تتحلطم: زين انك عارفة توك بزر .

سعود ومها : ههههههههههههههههههههههههههههه.

**

*

دخل عبدالعزيز ووقف عند مدخل الصالة .

ام سعود : عزوز ابوي جيت ؟ .. تعال .. قرب .. شوف نهى .

دخل عبدالعزيز بخجل : وين رنا ؟.

مها : تعال سلم .. رنا ماراح تنحاش.

سعود وقف يسلم على عبدالعزيز ويبوس خده : كيف الحال ؟ .

عبدالعزيز : بخير .. ابي رنا .

مها : تعال سلم علي طيب .

مشى ببطئ وعيونه بالارض من زود الخجل .. مد يده لمها وسحبته وباسته .. وحطته على رجوله : كيفك ؟ .. ها .. للحين تفكر تتزوج بنتي ؟.

عبدالعزيز ساااااكت .

آم سعود : ما حطيتيه على رجلك الا للمصلحه .. قومي ووديه ﻷخته .. توه صاحي من النوم واكيد جوعان .

عبدالعزيز : لا انا شبعان .

ام سعود : اجل شبلاك يبوي ؟ .. ابوك فيه شي؟.

عبدالزيز : بابا نايم .. دايم ينام بعد العشا .

ام سعود : اجل شوفها فوق بغرفتي .

قام عبدالعزيز من حضن مها ويركض ﻵخته .. من أصبح الصبح ما شافها .. وﻻزم يضمها شوي .. وياكل من يدها شوي .. ويجلس معها شوي .. ويتطمن عليها .

**

*

سعود : والله الولد الخجووووول .

ام سعود : لو يعطي هالخجل لرنا .

مها : هههههههههه .. حرام عليك يا فاطمة .. اذكرها بخجلها وحلاوتها بسم الله عليها .

ام سعود : ايه الحين تغيرت .

سعود : ما تلاحظون من دخلنا وانتوا ما تتكلمون بغير هالرنا ؟ .

مها : زين انت لاحظت مثلي هههههههههههه .. الا يا فاطمة هالحلى من وين شاريته ؟ .

ام سعود : رنا مسويته .

مها وسعود : ههههههههههههههه.

ام سعود : ضحكتوا بلا ضرووووس .

سكتوا كلهم ..

ام سعود : كيف حال ابوك يا سعود ؟.

سعود تعكر مزاجة : بخير .

ام سعود : ساكن معه ولا شقة لحالك؟.

سعود : مالي ووجع الراس ؟ .. ساكن لحالي .. اقول يمه فيه عشا ولا اروح اجيب؟.

ام سعود : ﻻ رح جب لنا عشا .. هاﻻسبوع بفرج عن رنا .. ولا بخليها تطبخ لنا وترسل لنا .

سعود يوقف : والله مشكله هالرنا .

ام سعود : اطلع بس لا بارك الله فيك .

سعود وهو يطلع : وما ترضين عليها بعد ؟ .. ههههههههههههه .

_______________

تعريييف بعائلة البطل ..

آبو سعود : عبدالله .. 60 سنة .. مطلق ام سعود بسبب مشاكل راح تبين مع احداث الرواية .. متزوح حاليآ من وحده عمره 35 سنه .. ساكن بالشرقية .. تحديدا الخبر .

××

×

ام سعود : فاطمة .. 47 سنة .. طيبة وعلى نياتها .. بس كلامها كثير واللي بقلبها على لسانها .. مطلقة من 10 سنوات ..

××

×

سعود : 24 سنة .. يدرس بالدمام تخصص هندسة معمارية .. يحب الاطفال وحنووووون مرررة .. طويل وشعرة اسود وكثييف جددآ .. وعيونه عدستها سود وكبار .. و جسمه رياضي .

××

×

مها : 23 سنة .. تزوجت قبل 5 سنوات ونهى عمرها 4 سنوات .. وكانت من صغرها تلعب مع رنا رغم ان فارق السن كبير .. وفرق بينهم 6 سنوات ..

××

×

مها وسعود كأنهم آخوان ولا بينهم اي حواجز او رسميات ..

________________


▪▪

مقتطفات من البارت الثاني

▪▪

...:يعنبوكم وش هالسهر ؟؟ .. ليش تهلكون انفسكم وربي ما حدكم على العذاب ؟.

...: الله يهديك يمه هذي الموضة الحين.

○○

...:لا هذي حتى بغرفتي ﻵحقتني !!!! ..

○○

...:هذا زوجك ؟؟!.

○○

...:الولد توه صغير .

...:كثير تزوجوا بعمره .

○○

...: سعره 175 ريال .

...:كيييييف !!!!!.

...:شلون كيف ؟.

...:آآآآآآ .. ق ق ق ق قصدي يعني .. م م م .. خلاص .

○○

... بدهشة : يااااااااي .. مرررة ناااايييسس .

...قرصتها : اسكتي فشلتينا .

▪▪

________________

اعطوني ما تتوقعونه للبارت القادم .. ورأيكم بروآيتي يهمني ..

○○

روآية : - مفتوح لك حضني لجل آنك عليه تبكين ، آنتي مو هينة يا بنت تحملتي هاﻵلم كله


الشريفة السليمانية غير متواجد حالياً   رد مع اقتباس
قديم 03-04-2015, 07:30 PM   #2
عضو جديد
 

افتراضي رد: رواية مفتوح لك حضني لجل انك عليه تبكين



فرري بيرفكت


دودي سعادة غير متواجد حالياً   رد مع اقتباس
قديم 03-23-2015, 05:39 AM   #3
عضو جديد
 

افتراضي رد: رواية مفتوح لك حضني لجل انك عليه تبكين



حبيبتي الشريفه السلمانيه كيف اقدر انتقل للصفح الثانيه الله يسعدك تردين نقره لعرض الصورة في صفحة مستقلة


نوري الشهري غير متواجد حالياً   رد مع اقتباس
قديم 03-30-2019, 03:57 PM   #4
عضو جديد
 

افتراضي رد: رواية مفتوح لك حضني لجل انك عليه تبكين



يسلموووووو مشكور على الطرح


ريم محيى غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:39 AM


Powered by vBulletin® Copyright ©2000 - 2019
Jelsoft Enterprises Ltd. TranZ By Almuhajir


Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34